renewable energies

Sustainable Energy for Reliable Future

Home

Upcoming Hydropower Projects of Nepal in national grid by 2076/77

Posted by Suman Budhathoki on March 22, 2019 at 4:05 AM

source:http://www.urjakhabar.com/2400mw-is-going-to-add-in-national-grid-within-4-years/

काठमाडौं– ४ वर्षमा २ हजार ४ सय मेगावाट विद्युत उत्पादन हुने भएको छ । चालु वर्षदेखि आर्थिक वर्ष २०७८/७९ को अवधिमा नेपाल विद्युत प्राधिकरण र निजी प्रवर्द्कका निर्माणाधीन १ सय २४ जलविद्युत आयोजनाको विद्युत प्रणालीमा थपिने भएको हो । ad चालु वर्षमा मात्रै २ सय ८७ मेगावाटका २० आयोजनाको विद्युत राष्ट्रिय प्रणालीमा जोडिन लागेको ऊर्जा जलस्रोत तथा सिँचाइ मन्त्री वर्षमान पुनले बताए । उनका अनुसार प्राधिकरणले निर्माण गरिरहेको ६० मेगावाटको माथिल्लो त्रिशूली ३ए र १४ मेगावाटको कुलेखानी तेस्रोसहित निजी क्षेत्रले बनाइरहेका १८ आयोजनाले विद्युत उत्पादन सुरु गर्दैछन् ।त्रिशूली ३ए र कुलेखानीको संरचना परीक्षण सुरु भइसकेको छ । २२ मेगावाटको बागमती, २० मेगावाटको तल्लो मोदी, ६.४ मेगावाटको माथिल्लो मैलुङ ‘ए’, २२.२ मेगावाटको माथिल्लो चाकु ‘ए’, १२ मेगावाटको नामजूृन मादी, ३.२ मेगावाटको गेलुङ खोला र २५ मेगावाटको काबेली ‘बि’ १ आयोजना विद्युत उत्पादन गर्ने चरणमा पुगेको पुनले बताए । यी आयोजनामध्ये बागमतीले परीक्षण सुरु गरेको छ । ad यस्तै, २२ मेगावाटको तल्लो हेवा ए, ८.८ को रुदी ए, ६.६ को रुदी बि, ५ मेगावाटको घलेम्दी, ७ मेगावाटको माथिल्लो खिम्ती–२, ५ मेगावाटको घट्टे खोला, ९.९ मेगावाटको इवा खोला, ७ मेगावाटको माथिल्लो मार्दी र ४.५ मेगावाटको विजयपुर खोला आयोजनाले उत्पादन सुरु गर्दैछन् । आव २०७६/७७ मा ४ सय ५६ मेगावाटको माथिल्लो तामाकोसीसहित २३ आयोजनाको ९ सय ८२ मेगावा उत्पादन थपिने मन्त्रालयले जनाएको छ । मन्त्रालयका अनुसार १ सय ११ मेगावाटको रसुवागढी, ८२ मेगावाटको तल्लो सोलु, १४ मेगावाटको माथिल्लो साञ्जेन, ४२.५ मेगावाटको साञ्जेन, ३६ मेगावाटको माथिल्लो बलेफी, २५ मेगावाटको सिंगटी, २५ मेगावाटको माथिल्लो दोर्दी ‘ए’ लगायत आयोजनाले विद्युत उत्पादन गर्नेछन् । यसैगरी, आव २०७७/७८ मा ४ सय ५५ मेगावाटका ३० आयोजना सम्पन्न हुने मन्त्रालयले जारी गरेको ऊर्जा जलस्रोत तथा सिँचाइ क्षेत्रको एक वर्षे प्रगति पुस्तिकामा उल्लेख छ । ५२.५ मेगावाटको लिखु–४, ५४ मेगावाटको सुपर दोर्दी खोला, २३.५२ मेगावाटको बलेफी ‘ए’लगायत आयोजना यस वर्ष थपिने मन्त्रालयले जनाएको छ । आव २०७८/७९ मा थपिने ३७ जलविद्युत आयोजना छन् । यी आयोजनाको क्षमता ६ सय ६८ मेगावाट छ । यो वर्ष ८६ मेगावाटको सालु दुधकोसीसहित ४० मेगावाटको राहुघाट, ३७.६ मेगावाटको काबेली ‘ए’, साढे ३८ मेगावाटको माथिल्लो कालंगा गाड, ५० मेगावाटको मेवा खोलालगायत आयोजना छन् ।

Categories: None

Post a Comment

Oops!

Oops, you forgot something.

Oops!

The words you entered did not match the given text. Please try again.

Already a member? Sign In

0 Comments